ປະວັຕິກາຣແຕກແຍກ
ເຫຕກາຣໃນສມັຍພຸດທະກາຣ
ເມື່ອພຣະພຸດທະອົງຊົງພຣະຊົນມາຍຸຢູ່ນັ້ນ ໄດ້ເຄີຍມີກາຣປາຣົບເຖິງການທຳສັງຄາຍະນາ ມາແລ້ວ, ຄື ສມັຍໜຶ່ງເມື່ອພຣະອົງຊົງພຣະຊົນຢູ່ ພຣະຈຸລທະ ນ້ອງຊາຍຂອງພຣະສາຣີບຸຕເຖຣະ ໄດ້ເຫັນເຫຕກາຣ ທີ່ສາວົກຂອງນິຄຣັນຖະນາຕະບຸຕແຕກສາມັຄຄີກັນ ຫຼັງຈາກນິຄຣັນຖະນາຕະ ບຸຕ ເຈົ້າລັທທິໄດ້ສິ້ນຊີວິຕໄປແລ້ວ ທ່ານຢ້ານວ່າເຫຕກາຣເຊັ່ນນັ້ນ ອາຈະເກີດຂຶ້ນກັບພຣະພຸດທະ ສາສນາໃນກາລຕໍ່ໄປຂ້າງໜ້າ ຫຼັງຈາກພຣະພຸດທະເຈົ້າຫາກປະຣິນິພພານໄປແລ້ວ, ຈຶ່ງໄດ້ເຂົ້າໄປ ຫາພຣະອານົນທ໌ ເຫຼົ່າເຫຕກາຣນັ້ນໃຫ້ພຣະອານົນຊາບ ພຣະອານົນທ໌ໃຄ່ຄວຣແລ້ວ ກຊນຳເຣື່ອງ ເຂົ້າໄປເຝັ້າອົງຄ໌ສົມເດັດພຣະສັມມາສັມພຸດທະເຈົ້າ ພຣະພຸດທະເຈົ້າໄດ້ຕັດເຖິງຄຸນນະພາບຂອງ ພຣະສາສດາ, ສາວົກ ແລະຫຼັກທັມ ທີ່ສຳພັນກັນ 3 ສ່ວນ ຄື:
1. ສາສດາບໍ່ດີ, ຫຼັກທັມບໍ່ດີ, ສາວົກບໍ່ດີ ເປັນທີ່ຕືຕຽນທັງ 3 ສ່ວນ, ຜູ້ປະຕິບັຕຕາມ ຍ່ອມປະສົບສິ່ງທີ່ບໍ່ແມ່ນບຸນເປັນອັນຍິ່ງ.
2. ສາສດາບໍ່ດີ, ຫຼັກທັມບໍ່ດີ, ເຖິງສາວົກດີ ກໍຖືກຕິຕຽນທັງ 3 ສ່ວນ, ຜູ້ປະຕິບັຕຕາມ ຍ່ອມປະສົບສິ່ງທີ່ບໍ່ແມ່ນບຸນເປັນອັນຍິ່ງ.
3. ສາສດາດີ, ຫຼັກທັມດີ, ແຕ່ສາວົກບໍ່ດີ, ສາສດາ ແລະຫຼັກທັມໄດ້ຮັບກາຣສັລະເສີນ, ສ່ວນສາວົກຖືກຕິຕຽນ, ຜູ້ປະຕິບັຕຕາມ ຍ່ອມປະສົບບຸນເປັນອັນຍິ່ງ.
4. ສາສດາດີ, ຫຼັກທັມດີ, ສາວົກດີ, ຍ່ອມຮັບສັລເສິນທັງ 3 ສ່ວນ, ຜູ້ປະຕິບັຕຕາມ ຍ່ອມປະສົບບຸນເປັນອັນຍິ່ງ.
5. ສາສດາດີ, ຫຼັກທັມດີ, ແຕ່ສາວົກບໍ່ເຂົ້າໃຈແຈ່ມແຈ້ງໃນຫຼັກທັມ ເມື່ອສາສດາລ່ວງລັບໄປ ສາວົກເດືອດຮ້ອນພາຍຫຼັງ.
6. ສາສດາດີ, ຫຼັກທັມດີ, ສາວົກເຂົ້າໃຈແຈ່ມແຈ້ງໃນຫຼັກທັມ ເມື່ອສາສດາລ່ວງລັບໄປ ສາວົກບໍ່ຕ້ອງເດືອດຮ້ອນພາຍຫຼັງ.
ຕໍ່ຈາກນັ້ນ ພຣະພຸດທະອົງ ກໍໄດ້ຕັດເຖິງພຣົມມະຈັຣຍ໌ ທີ່ສົມບູນ ແລະບໍ່ສົມບູນ ອີກຫຼາຍປະກາຣ ໄດ້ຕັດແນະນຳວິທີກາຣທຳສັງຄາຍະນາ ດ້ວຍວິທີການສອບສວນ ຄວາມໝາຍກັບຄວາມໝາຍ, ສອບສວນພຍັນຊນະກັບພຍັນຊນະ ເພື່ອໃຫ້ສາສນາຕັ້ງຢູ່ໝັ້ນຄົງ ອຳນວຍປະໂຫຍດ ແລະ ຄວາມສຸຂ ແກ່ພະຫູຊົນທັງປວງ ເພື່ອອະນຸເຄາະ ເພື່ອປະໂຫຍດເກື້ອກູລ ຄວາມສຸຂ ແກ່ເທວະດາ ແລະມະນຸສຍ໌ທັງຫຼາຍ ແລະຊົງສະແດງຫຼັກທັມອີກຫຼາຍປະກາຣ ຄື:
ໂພທິປັກຂິຍະທັມ 37 ປະກາຣ ໃນຖານະເປັນຫຼັກທັມຂອງພຣະພຸດທະສາສນາ.
ມູລເຫຕຂອງວິວາທະ 6 ປະກາຣ
ລັກສະນະຂອງອະທິກອນ 4 ປະກາຣ.
ວິທີຣະງັບອະທິກອນ 7 ຢ່າງ.
ສາຣານິຍິທັມ ຄືຫຼັກທັມຢູ່ຮ່ວມກັນຢ່າງເປັນສຸຂ 6 ຢ່າງ.
ວິທີກາຣຕອບວາທະຂອງເຈົ້າລັທທິອື່ນ (ປາສ່າທະສູຕ, ທີຄະນິກາຍ, ປະຕິວັຄ ພຣະໄຕປີດົກສະບັບປະຊາຊົນ ສຸຊີພ ປັນຍານຸພາບ).
ຢ່າງໃດກໍຕາມ ເຣື່ອງນີ້ສະແດງໃຫ້ເຫັນຈະແຈ້ງວ່າ ພຣະຈຸນທະນ້ອງຊາຍຂອງພຣະສາຣີ ບຸຕ ເປັນຜູ້ມີຄວາມປາຖນາດີ ຕໍ່ພຣະພຸດທະສາສນາຢ່າງຍິ່ງ ຄວາມຫວ່າງໃຍ ແລະຄວາມຂັນຂວາຍຂອງທ່ານຢ່າງນ້ອຍ ໍກຈັດວ່າເປັນເຫດໃຫ້ມີຄວາມປາຖນາກາຣທຳສັງຄາຍະນາ ໄດ້ຕົວ ຢ່າງຂອງກາຣທຳສັງຄາຍະນາ ຕລອດເຖິງຫຼັກທັມອື່ນອີກຫຼາຍຫຼັຫ ນັບວ່າເປັນກາຣປາຣົບເພື່ອ ຄວາມໝັ້ນຄົງແຫ່ງພຣະພຸດທະສາສນາໂດຍແທ້.
ແລະມີເຣື່ອງໜຶ່ງຄື ສມັຍໜຶ່ງພຣະພຸດທະອົງຄ໌ສະເດັດປະທັບທີ່ ໂຄສີຕາຣາມ ເມືອງໂກ ສັມພີ, ມີພຣະຄະນາຈາຣຍ໌ສອງອົງຄ໌ ແຕ່ລະອົງຄ໌ກໍມີຜ້ນິຍົມນັບຖື ແລະມີລູກສິສຫຼາຍດ້ວຍກັນ, ອົງຄ໌ໜຶ່ງເປັນວິນັຍທອນ ອີກອົງໜຶ່ງເປັນພຣະທັມມະກະຖຶກ ຄືນັກເທສນ໌ນັກສະແດງທັມ ເຊິ່ງມີຄວາມຮູ້ທາງທັມມະຫຼາຍ, ເຣື່ອງທີ່ເກີດຂຶ້ນຄື ເຣື່ອງຖ່າຍອຸຈຈາຣະ ພຣະທັມມະກະຖຶກ ເຂົ້າໄປຖ່າຍອຸຈຈາຣະ ທີ່ເວຈຈະກຸຕິ, ເມື່ອພຣະທັມມະກະຖືກອອກມາແລ້ວ ພຣະວິນັຍທອນກໍເຈົ້າໄປ ເຫັນນ້ຳເຫຼືອຢູ່ໃນໝໍ້ນ້ຳ ເຊິ່ງມີກົດຢູ່ວ່າ ຖ້າເອົາໝໍ້ຕັກນ້ຳມາລ້າງ ໃນເມື່ອຖ່າຍອຸຈຈາຣະແລ້ວ ຕ້ອງລ້າງໃຫ້ໝົດໝໍ້ ຈະເຫຼືອໄວ້ບໍ່ໄດ້, ນີ້ເປັນກົດຣະບຽບເຊິ່ງຮຽກວ່າ “ເວຈຈະກຸຕິວັຕ” ເຊິ່ງເປັນວິນັຍຂໍ້ໜຶ່ງ ແຕ່ບໍ່ມີບົທລົງໂທສ ຄືບໍ່ໄດ້ປັບອາບັດໄວ້ໃນກົດນັ້ນ.
สมัครสมาชิก:
ส่งความคิดเห็น (Atom)
ไม่มีความคิดเห็น:
แสดงความคิดเห็น